د مکروریانو له څلورلارې څخه تر پکتیا کوټ پورې د کابل- جلال آباد سړک د لومړۍ برخې د جوړولو چارې په چټکۍ سره روانې دي او هڅه کېږي څو هر څه ژر قیر کولو ته چمتو شي.
د مکروریانو له څلورلارې څخه تر پکتیاکوټ پورې د کابل- جلال آباد سړک لومړۍ برخه ۹۳۹۷ متره اوږدوالی او ۶۰ متره سور لري چې، د لښتیو، پلیو لارو، ګلدانونو، د بایسکل چلولو لیکو، په سړک د کرښو اچولو او د یوه معیاري سړک د نورو جزئیاتو په ګډون د جوړېدو په حال کې دی.
د دې سړک د ۶ کیلو متره برخې قیرچارې ترسره شوې دي او د پاتې برخو د جوړولو چارې یې روانې دي څو هغه هم قیر کولو ته چمتو شي.
د کابل ښاروالۍ د برنامو او پروژو د تنظیم ریاست د دې پروژې له ټولو کاري پړاوونو څخه تخنیکي او فني څارنې ترسره کوي.
د دې پروژې په بشپړېدو سره به د ښار اقتصادي ودې ته زمینه برابره او ښاریانو ته به د تګ راتګ په برخه کې ګڼې آسانتیاوې رامنځته شي.
ټاکل شوې ده د دې سړک د جوړولو چارې د روان کال په بهیر کې بشپړې او یاد سړک ګتې اخیستنې ته وسپارل شي.
د کابل- جلال آباد سړک د لومړۍ برخې د جوړولو چارې په چټکۍ سره روانې دي