د اوولسمې ناحیې اړوند د منشي میرغلام له ښارګوټي څخه د کابل- پروان تر لویې لارې پورې د نوي سړک د جوړولو چارې په منظمه توګه روانې دي.
د سړک جوړولو دغه پروژه چې، د ۴۰۴۹ مترو په اوږدوالي او ۳۰ مترو په سور سره د پلې کېدو په حال کې ده، د ۱۴ میاشتو په موده کې به په معیاري توګه بشپړه شي.
د کابل په شمال کې د دغه سړک جوړول له ځانګړی اهمیت څخه برخمن دی او د خیرخانې کوتل د ګنې ګوڼې په کمښت او ښاریانو ته د تګ راتګ په برخه کې د آسانتیاوې په رامنځته کولو کې مهم رول لري.
پاتې دې نه وي چې، په دې پروژه کې د سړک غاړې لښتيو، پلیولارو، استنادي دېوالونو او پلچکونو جوړول، د څراغونو نصبول، په سړک د کرښو اچول او د یوه معیاري سړک نور جزئیات هم شامل دي.
د منشي میرغلام له ښارګوټي څخه تر کابل- پروان لویې لارې پورې د سړک جوړولو چارې روانې دي