د ښاري زېربناوو د ساتنې او د وسایطو د تګ راتګ وضعیت د ښه والي په موخه، د دولسمې ناحیې اړوند د محبس څلورلارې سړک د یو کیلو متر برخې د بیارغونې چارې د کابل ښاروالۍ د کار، ساتنې او مراقبت ریاست له خوا ترسره شوې.
دغه پروژه تر تخنیکي څېړنو وروسته د پرمختللې ماشینرۍ په وسیله پلې شوه، څو د سړک زیانمنې برخې په معیاري توګه بیا ورغول شي.
د سړکونو بیارغونه، د کابل ښاروالۍ له دوامداره برنامو څخه ده چې، د ښاري تاسیساتو د ساتنې، د سړکونو د عمر د زیاتوالي او د ترافیکي بهیر د تنظیم په برخه کې ځانګړی اهمیت لري.
د دې پروژې په بشپړیدو سره به د موټرو تګ راتګ ته آسانتیاوې رامنځته، ترافیکي خوندیتوب به زیات او په راتلونکي کې به د نورو ویجاړیو او د سړکونو د بیارغونې د درنو لګښتونو مخه ونیول شي.
د دولسمې ناحیې اړوند د محبس څلورلارې سړک بیاورغول شو