د یولسمې ناحیې د دویم ګذر اړوند په قلعه نجارها سیمه کې د درېیو فرعي سړکونو د جوړولو چارې په چټکۍ سره روانې دي او تر اوسه ۵۵ سلنه پرمختګ لري.
دا پروژه چې، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پلې کېږي، تر راتلونکې یوې میاشتې پورې به بشپړه او ګټې اخیستنې ته وسپارل شي.
په دې پروژه کې چې، په ټولیزه توګه ۴۵۰ متره اوږدوالی، ۷ او ۸ متره سور لري، د لښتیو جوړول هم شامل دي.
د یاد سړکونو په جوړېدو سره به په سیمه کې شته ستونزې هوارې او او سېدونکي به یې معیاري ښاري زېربناوو ته لاس رسی ومومي.
د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده.
په یولسمه ناحیه کې د درېیو فرعي سړکونو د جوړولو چارې ۵۵ سلنه پرمختګ لري