د کابل ښاروالۍ له خوا او د هبیتات دفتر په مرسته، د څوارلسمې ناحیې د څلورم ګذر اړوند د پغمان په دوډه مست سیمه کې د یوه فرعي سړک کانکرېټ چارې روانې دي او ټاکل شوې ده تر راتلونکو ۲۰ ورځو پورې بشپړې شي.
د کابل ښاروالۍ مسئولین وايي چې، د دې پروژې په بشپړېدو سره به ښاریانو ته ګڼې آسانتیاوې رامنځته او د دوی یو شمېر ټولنیزې او چاپېریالي ستونزې به هوارې شي.
د یادونې وړ ده چې، یاده پروژه ۷۰۰ متره اوږدوالی او ۴ متره سور لري چې، د تخنیکي معیارونوپه پام کې نیولو سره د پلي کېدو په حال کې ده.
په څوارلسمه ناحیه کې د یوه فرعي سړک کانکرېټ چارې روانې دي