د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د یوولسمې ناحیې د دویم ګذر اړوند د نجارانو کلا (قلعه نجارها) په سیمه کې د درېیو فرعي سړکونو کانکرېټ چارې پیل شوې.
یاد سړکونه چې په ټولیز ډول ۴۵۰ متره اوږدوالی او ۷.۷ متره سور لري، د لښتیو جوړول هم پکې شامل دي.
د مسئولینو په وینا، دغه پروژه تر اوسه ۶۰ سلنه پرمخ تللې او ټاکل شوې ده تر راتلونکې یوې میاشتې پورې بشپړه او ګټې اخیستنې ته وسپارل شوه.
د سیمې اوسېدونکي د دې پروژې له پلي کېدو هرکلی کوي او وایي چې، په تېرو کلونو کې د سړکونو د خرابوالي له امله دوی له ګڼو ستونزو سره مخ وو چې، اوس به یې دا ستونزې په بنسټیزه توګه هوارې شي.
د دغو سړکونو په جوړېدو سره به د سیمې اوسېدونکي ګڼو ټولنیزو او ترانسپورتي آسانتیاوو ته لاس رسی ومومي.ئ
پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده.
د یولسمې ناحیې په دویم ګذر کې د فرعي سړکونو کانکرېټ چارې پیل شوې