د کابل ښاروالۍ له خوا د دولسمې او ویشتمې ناحیې ترمنځ د څرخي پله په سیمه کې د ۱۴۱۰ مترو په اوږدوالي او ۳۰ مترو په سور سره د نښلوونکي سړک بنسټيزې چارې روانې دي او هڅه کېږي څو دا پروژه په روان کال کې بشپړه او ګټې اخیستنې ته وسپارل شي.
په یاده سیمه کې د دې سړک جوړول، د کابل ښاروالۍ یوه مهمه زېربنايي پروژه شمېرل کېږي چې، په اوږدو کې یې د ۶۲۰ مترو په اوږدوالي،۱.۷ مترو سور او ۱.۷ مترو ژوروالي د یوه لوی کانال، پلیو لارو، ګلدانونو او پُل ګوټو جوړول، د څراغونو نصبول او په سړک د کرښو اچول هم شامل دي.
د دې پروژې په بشپړېدو سره به ښاریانو ته د لېږد را لېږد په برخه کې ګڼې آسانتیاوې رامنځته او د څرخي پله سیمې اقتصادي ودې او متوازنې پراختیا ته زمینه برابره شي.
د دولسمې او یو ویشتمې ناحیې ترمنځ د نښلوونکي سړک بنسټیزې چارې روانې دي