د کابل ښاروالۍ له خوا او د ملګرو ملتونو د پروژوې خدمتونو د دفتر په مرسته، د اوولسمې ناحیې د ۴۳م ګذر اړوند په شریفآباد سیمه کې د یوه فرعي سړک کانکریټ چارې روانې دي. ټاکل شوې چې دغه پروژه، انشاءالله، په راتلونکو ۲۰ ورځو کې بشپړه او ګټې اخیستنې ته وسپارل شي.
دغه سړک چې ۵۲۰ متره اوږدوالی او ۶.۱۰ متره سور لري، د لښتیو جوړول هم پکې شامل دي. د دې سړک په بشپړېدو سره به د سیمې د اوسېدونکو پر وړاندې شته موسمي ستونزې هوارې او یو شمېر آسانتیاوو ته به لاس رسی ومومي.
دغه راز په دې پروژه کې د سیمې یو شمېر اوسېدونکو ته د کار زمینه هم برابره شوې ده.
د اوولسمې ناحیې په ۴۳م ګذر کې د فرعي سړک کانکریټ چارې روانې دي