د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دولسمې ناحیې په ۲۰م ګذر کې د یو کیلومتر په اوږدوالي او ۵.۱۵ مترو سور سره د یوه فرعي سړک د جوړولو چارې پیل شوې.
دغه پروژه به چې، د لښتیو جوړول هم پکې شامل دي په راتلونکو دوو نیمو میاشتو کې بشپړه او ګټې اخیستنې ته وسپارل شي.
د دې پروژې د پلي کېدو موخه، د سیمې اوسېدونکو ته د تګ راتګ په برخه کې د آسانتیا رامنځته کول، د شته ستونزو کمښت او د ښاري خدمتونو د کچې لوړول بلل شوي دي.
د دې پروژې په بشپړېدو سره به له یوې خوا په سیمه کې د تګ راتګ په برخه کې آسانتیا رامنځته او بله خوا به د سیمې د یو شمېر اوسېدونکو لپاره د کار زمینه برابره شي.
د دولسمې ناحیې په ۲۰م ګذر کې د یوه فرعي سړک د جوړولو چارې پیل شوې