د کابل ښاروالۍ له خوا د جویشیر–پل آرتل سړک دویمه طبقه قیر چارې د تخنیکي او فني معیارونو په پام کې نیولو سره پیل شوې اوهڅه وبه شي څو دغه پروژه په لنډه موده کې بشپړه او سړک د ترافیکو پرمخ پرانیستل شي.
د یاد سړک د جوړولو او پراختیا پروژه ۸۶۰ متره اوږدوالی او ۴۵ متره سور لري، چې د کانالونو، د سړک غاړې لښتیو، استنادي دېوالونو، پلیولارو او ګلدانونو جوړول، د څراغونو نصبول او په سړک د کرښو اچول هم پکې شامل دي.
د دې پروژې په بشپړېدو سره به له یوې خوا د ښار بېلابېلو سیمو ته د خلکوتګراتګ او لاسرسی آسانه او بلې خوا به د ترافیکي بهیر د ښه والي زمینه هم برابره شي.
د جوی شیر ـ پل آرتل سړک دویمه طبقه قیر چارې پیل شوې