د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دولسمې ناحیې په شلم ګذر کې د یو کیلومتر په اوږدوالي او ۵.۱۵ مترو په سور د یوه فرعي سړک د بنسټیزو برخو د جوړولو چارې روانې دي او هڅه کېږي څو هر څه ژر کانکرېټ کولو ته چمتو شي.
دغه پروژه به چې په هغې کې د لښتیو جوړول هم شامل دي، تر راتلونکې یوې میاشتې، انشاءالله، بشپړه او ګټې اخیستنې ته وسپارل شي.
د دې پروژې د ترسره کېدو موخه، ښاریانو ته د ترانسپورتي او ټولنیزو آسانتیاوو او د لنډمهاله کاري بوختیاوو رامنځته کول دي.
د دولسمې ناحیې په ۲۰م ګذر کې د فرعي سړک د جوړولو چارې روانې دي