د بګرامیو پله له سیمې څخه د ملالۍ (بتخاک) څلورلارې سویل لوری ته سړک پورې د نوي نښلوونکي سړک د جوړولو چارې روانې دي او هڅې کېږي چې، هرڅه ژر قیر کولو ته چمتو شي.
دغه سړک چې په اتمه او دوه ویشتمه ناحیه کې جوړېږي، په ټولیزه توګه ۵۶۳۴ متره اوږدوالی، ۳۰ او ۴۵ متره سور لري.
یاد سړک د بګرامیو سړک یوه بدیله لاره ګڼل کېږي چې، په جوړېدو سره به یې له یوې خوا په یاد سړک کې ترافیکي ګڼه ګوڼه کمښت ومومي او بله خوا به ښاریانو ته د تګ راتګ په برخه کې ګڼې آسانتیاوې رامنځته شي.
د یادونې وړ ده چې، په دې پروژه کې د لښتیو، پلیو لارو او ګلدانونو جوړول، د څراغونو نصبول او په سړک د کرښو اچول هم شامل دي.
د بګرامیو پله – ملالۍ څلورلارې نښلوونکي سړک د جوړولو چارې روانې دي