د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د زرغونو سیمو د خړبولو په موخه د نولسمې ناحیې اړوند د تنګي غارو په زرغون کمربند کې د اوبو د رېیو بندونو د جوړولو چارې پیل شوې.
دا بندونه ۲۶، ۲۸ او ۳۲ متره اوږدوالی، ۴ او ۴.۷ متره سور، ۴ او ۵.۲ متره ژوروالی لري چې، د سنګکارۍ په بڼه به جوړ او چارې به یې د ۸۰ کاري ورځو په لړ کې بشپړې شي.
د دې پروژې په بشپړېدو سره به د تنګي غارو د زرغون کمربند د خړوبولو په برخه کې شته ستونزې هوارې او ترڅنګ به یې د سیمې یو شمېر اوسېدونکو ته د کار زمینه هم برابره شي.
د تنګي غارو اړوند زرغون کمربند کې د درېیو بندونو د جوړولو چارې پیل شوې