له نجات څلي څخه تر چرخ آب پورې د کابل–لوګر سړک د لومړۍ برخې د جوړولو چارې۶۰ سلنه فزیکي پرمختګ لري اوهڅه کېږي څو یې پاتې برخې هم د سړو موسم تر را رسېدو وړاندې قیر کولو ته چمتو شي.
د کابل- لوګر سړک لومړۍ برخه چې ۷ کیلومتره اوږدوالی او ۶۰ متره سور لري، تر اوسه یې په دوو لیکو کې د څه باندې ۵ کیلومتره برخې لومړۍ او دویمه طبقه قیر چارې ترسره شوې دي.
ورته مهال ی د یاد سړک د پاتې بنسټیزو برخو د جوړولو چارې په چټکۍ سره روانې دي، څو هغه هم قیر کولو ته چمتو شي.
په دې پروژه کې د لښتیو، پُلګوټو، پلیو لارو او ګلدانونو جوړول، د څراغونو نصبول او په سړک د کرښو اچول هم شامل دي.
د کابل–لوګر سړک چې، د کابل ښاروالۍ له مهمو زیربنایي پروژو څخه شمېرل کېږي، په جوړېدو سره به یې ترافیکي ظرفیت لوړ او د اقتصادي فعالیتونو ودې ته به زمینه برابره شي.
د کابل–لوګر سړک د لومړۍ برخې د جوړولو چارې ۶۰ سلنه پرمختګ لري