د کابل ښاروالۍ د کار، ساتنې او مراقبت ریاست له خوا د څوارلسمې ناحیې اړوند د کمپنۍ له پله څخه د قلعه حیدرخان سیمې د ګچ تر فابریکې پورې د کابل- کندهار سړک قیر چارې د فني او تخنیکي معیارونو مطابق په چټکۍ سره روانې دي.
د کابل ښاروالۍ ویاند مولوي فضل الرحمن رحماني په دې اړه وویل: دغه سړک چې، د کابل ښار په لوېدیځه برخه کې د یوه مهم اقتصادي دهلېز په توګه، ۷ کیلومتره اوږدوالی او ۶۰ متره سور لري، د ښاري سړکونو شبکې د پراختیا په برخه کې به اغیزمن رول ولوبوي.
د نوموړي په وینا؛ کابل ښاروالۍ هڅه کوي چې د روان کال په ترڅ کې د دې سړک ۳ کیلومتره برخه جوړه اود پاتې برخې د جوړولو چارې به یې په راتلونکي کې کال کې بشپړې کړي.
د دې سړک په جوړېدو سره به د هېواد د لوېدیځ زون اوسېدونکو ته د تګ راتګ په برخه کې ګڼې آسانتیاوې رامنځته او د وسایطو چټک او خوندي تګ راتګ ته به زمینه برابره شي.
کابل ښاروالۍ د داسې زېربنايي پروژو په پلي کولو سره هڅه کوي، څو ښاریانو ته معیاري ښاري خدمتونه وړاندې او دوی ته د پام وړ آسانتیاوې رامنځته کړي.
له کمپنۍ پله څخه تر قلعه حیدرخان پورې د کابل–کندهار سړک قیر چارې روانې دي