کابل ښاروالۍ د ترانسپورټي زیربناوو د پراختیا، د ترافیکي وضعیت د ښه والي او د ښاریانو د تګ راتګ په برخه کې د آسانتیاوو رامنځته کولو په موخه، د دولسمې ناحیې اړوند د څرخي پله د زندان لوېدیځ لوري ته د۷۶۰ مترو په اوږدوالی او ۱۵.۵ متره سور سره د سړک د دویمې لیکې د جوړولو چارې روانې ساتلې دي.
په دې پروژه کې د لښتیو، پلیولارو، د بایسکل چلولو لیکو او ګلدانونو جوړول، د څراغونو نصبول او په سړک د کرښو اچول هم شامل دي.
د دې پروژې په بشپړېدو سره به له یوې خوا په سیمه کې د ترانسپورتي شبکې ظرفیت لوړ او بله خوا به ښاریانو ته د تګ راتګ په برخه کې ګڼې آسانتیاوې رامنځته شي.
د څرخي پله د زندان لوېدیځ لوري ته سړک د دویمې لیکې د جوړولو چارې روانې دي