د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دولسمې ناحیې اړوند د احمدشاه بابا مېنې په ۱۴م بلاک کې د یوه فرعي سړک کانکرېټ چارې روانې دي.
دغه پروژه تر اوسه ۸۰ سلنه پر مخ تللې اوټاکل شوې چې، ان شاءالله تر راتلونکو۲۰ ورځو پورې به بشپړه شي.
د دې پروژې په بشپړېدو سره به د سیمې د اوسېدونکو د تګ راتګ ستونزې هوارې او ګڼو آسانتیاوو ته به لاس رسی ومومي.
په دې پروژه کې چې، په ټولیزه توګه ۵۶۳ متره اوږدوالی او ۸ متره سور لري، یو شمېرهېوادوالو ته د کار زمینه هم برابره شوې ده.
د احمدشاه بابا مېنې په ۱۴م بلاک کې د فرعي سړک کانکرېټ چارې روانې دي