کابل ښاروالي ټولو ښاریانو په ځانګړي ډول کسبګرو، د ګرځنده کراچیو پر سر د توکو پلورونکو، دستفروشانو، د غرفو خاوندانو، همدا راز د میوند واټ، سپاهي ګمنام څلورلارې او سرزېرزمینۍ دوکاندارانو ته تاکیدا خبرداری ورکوي چې د سړک د غاړو له تصرف څخه ډډه وکړي. کابل ښاروالي د ګڼې ګوڼې د راکمولو لپاره راتلونکو دوه ورځو کې د سړکونو له پلیو لارو څخه د خلکو د تګ راتګ په مخه کې خنډونه او موانع ایسته کوي. ټول دستفروشان، دغرفوخاوندان او کراچیوانان چې عامې لارې یې بندې کړې دي، باید خبر وي چې ښاروالي ددغې پدیدې پرضد عملیات کوي. له تاسې څخه په ډېر درنښت هیله کوو چې خپل اموال او اجناس د سړک له غاړو او پلو لارو ټول کړئ او هغه مناسب ځای ته یې ولېږدوئ چې ښاروالۍ درته ټاکلی دی، ګني ښاروالي مو اموال او اجناس ضبطوي او بیا د شکایت حق نه لرئ.