د اولسمې ناحیې د اوه ویشتم ګذر (چې د عزیزي بانک کوڅې په سړک) مشهور دی، د جوړېدو کار یې د دې ناحیې د رییس انجینیر مصلح الدین جاهد او ځايي اوسېدونکو په حضور پيل شو. دغه سړک 657متره اوږدوالی او ۷ متره سور لري او د څنډو ویالې یې هم پکې شاملې دي، د هبیتات دفتر په همکارۍ د کابل ښاروالۍ له تشویقي پروژو څخه د 75000 امریکايي ډالرو په ارزښت په راتلونکو شپږو میاشتو کې جوړېږي. په جوړېدو به یې په دغه ګذر کې چې یوه ګڼ مېشتې ساحه ده، د سړک د خامهوالي له امله د ځایي اوسېدونکو ستونزې حل شي.
