کابل ښاروالۍ د دویمې ناحیې اړوند بهارستان سیمه کې د ککړو اوبو لپاره پر پلې لاره د یوې څاه د کیندنې مخه ونیوه.
یو کس چې غوښتل یې په غیر قانوني ډول پلې لاره وکیندي او د ککړو اوبو لپاره څاه به کې جوړه کړي د ښاري قانون څخه د سرغړونې په تور لاس په لاس ونیول شو او اړ کړای شو چې ایستلې کنده بیرته ډکه کړي.
نوموړي ته اخطاریه هم ورکړل شوه چې بیا ځل د داسې کړنې به صورت کې عدلي او قضايي ادارو ته معرفي کېږي.
پر پلیو لارو د ککړو اوبو لپاره څاه کیندنه یا د پلیو لارو تخریب له ښاري اصولو او قوانینو خلاف عمل بلل کېږي او هر څوک چې په دې برخه کې سرغړونه کوي د ښار د لویو متخلفینو په څېر تر قانوني تعقیب او مجازات لاندې نیول کېږي.
