د کابل ښاروالۍ د ټولنیزو او کلتوري چارو مرستیال سرڅیړونکی محمد فاضل شریفي او ورسره پلاوی چې د جمهوري ازبکستان د تاشکند او ترمذ ښارونو د ښاروالانو په رسمي بلنه د یاد ښارونو له چارواکو سره د لیدنې په حال کې دي ، نن سهار د ترمذ ښار ښاروال او دهغې ولایت له مشرتابه سره وکتل. په دې لیدنه کې د ترمذ ښاروال تر څنګ د پانګو اچونې ، فرهنګ ، ژوبڼ رئیسانو او د هغې ولایت نورو وګړو ګډون درلود . د ترمذ ښاروال په یاد ښار کې د کابل ښاروالۍ پلاوي له شتون څخه خوښي څرګنده کړه او ژمنه یې وکړه چې د ترمذ ښاروالي به له کابل ښاروالۍ سره په فرهنګي چارو ، د حیواناتو تبادلې ، د کابل او ترمذ ژوبڼوڼو تر مینځ تجربو ، د کثافاتو پاکولو او تفریحي پارکونو جوړولو په برخه کې خپلې همکارۍ ونه سپموي .د کابل ښاروالۍ د ټولنیزو او کلتوري چارو مرستیال د تاشکند او ترمذ ښاروالیانو له همکاریو او ژمنو مننه وکړه او هیله یې څرګنده کړه چې د تېرو ژمنو او همکاریو په څېر به د دواړو ښارونو تر مینځ همکارۍ لا پراخې کړو .
