په ۳ مه ۱۱ مه او ۱۵مه ناحیه کې د ښاري نظم عملیاتي پلان پلی شو

د ښاري نظم د عملیاتي پلان د تطبیق پر دوام ، له دریمې، یولسمې او پنځلسمې ناحیې، له خواجه بغرا درې لارې تر نجارانو کلا او پل سرخ تر دریمې ناحیې  په زرغونو سیمو کې غیر قانوني تاسیسات، دوکانونو مخې ته غیر قانوني رغونې، غیر منظمې لوحې ، ناقانونه غرفې او کپې او له پلو لارو خنډونه لرې او پاک شول. دا پلان د کابل ښار په ټولو برخو کې د تطبیق وړ دی او د بېلابیلو عملیاتو په ترسره کولو سره به له پلو لارو خنډونه، غیر قانوني تاسیسات، له ملکیتونه سمه ګته نه اخیستل چې د ښاري بې نظمۍ سبب ګرځي راټول او له منځه یوړل شي.