په دوه ویشتمه ناحیه کې د کابل ښاروالۍ د مسئولانو له لوري د یو لړ مراسمو په ترڅ کې د نیالګیو په کینولو کار پیل شو. په یادو مراسمو کې د کابل ښاروالۍ مسئولانو وویل چې،دا داره په لرې پرتو ناحیو کې کار خپل لومړیتوب ګڼي او په ۱۴۰۰ کال کې به په یادو ناحیو کې یو شمیر زیربنايي او چاپیریالي پروژې برابرې پراختیا ته په کتو پلې شي. دغه راز ټینګار وشو چې ټول باید د خپل ښار د جوړیدو په موخه هڅې وکړو په ځانګړې توګه د نیالګیو کینولو په موسم کې د ښار د زرغونتیا او ښکلا په موخه لاس په کار شو. د ګډو کارونو په ترسره کولو سره کولای شو په ټولنیز او فردي ژوند کې د یو لړ غوره تغیراتو شاهدان و اوسو، له دې کبله اړینه ده ټول لاس په لاس د ښار په ابادۍ کې سره همغږي او همکار و اوسو. د یادونې وړ ده چې په یادو مراسمو کې سلګونه نیالګي کینول شول او په راتلونکو ورځو کې به هم دا لړۍ روانه وي.
