په هیواد کې د سراسري سولې راتلو، سالم چاپیریال رامنځته کیدو او د تازه نفس په موخه د پیشتاز فرهنګي او ورزشي بنسټ غړو په نوي ښار پارک کې نیالګي کینول. د یاد بنسټ مسئولانو د پامیر له خبریال سره په خبرو کې وویل چې،پیشتاز ورزشي او فرهنګي بنسټ له یو شمیر ځوانانو او مدني فعالانو جوړ دی او د ټولنیز عدالت او سالم چاپیریال رامنځته کیدو په موخه فعالیت کوي. دوی دغه راز وویل چې د ښاري فرهنګ دودونې، سالم چاپیریال رامنځته کیدو او د سراسري سولې راتلو لپاره د عدالت غوښتنې په موخه به په بیلابیلو ناحیو کې د نیالګیو کینولو کمپیانونه په لاره واچوي او نن یې دا دی د نیالګیو کینولو کار د نوي ښار له پارک پیل کړ
