د نیالګیو کینولو د ملي کمپاین پر دوام په اتمه ناحیه کې د نیالګیو کینولو کمپاین د کابل ښاروالۍ د مسئولانو،د ګذر وکیلانو،ښځو او ځوانانو په ګډون د رحمان مینې په ښځینه پارک او رحمان بابا مینې پارک کې پیل شو. ګډونوالو د نیاګیو په خړوب او ساتنه،د زرغونو سیمو پر پراختیا او په ساتنه کې یې د خلکو او ښاریانو د همکارۍ په اړه خبرې وکړې او ټینګار یې وکړ چې د کابل ښار زرغونتیا ته باید تر پخوا ډیره پاملرنه وشي او ښاریان هم په دې برخه کې باید همکار و اوسي،ځکه زرغونتیا د ژوند د سوکالۍ لپاره مهم او اړین رکن دی. ټاکل شوې ده زر بیلابیل نیالګي د یادې ناحیې اړوند په بګرامیو تپه،پارکونو د عمومي واټونو په غاړو او یو شمیر نورو سیمو کې کینول شي او دا کار به په پراخه کچه دوام ولري.
