د روان کال د لیندۍ میاشتي په ۲۲مه نیټه د چهارشنبې په ورځ له غرمې وروسته د څلورمې ناحیې اړوند سیمه کې د غفور ټولنیز بنسټ رضاکاره ځوانانو په تنظیفي حشر کې ګډون وکړ.
د دي بنسټ د ځوانانو ټیم مشرې اغلي تهمینې غفور د دي تنظیفی حشر په لړ کې د ښاریانو ګډون او د ښاري کلتور ودي په اړه خبرې وکړي او وویل: د غفور ټولنیز بنسټ رضا کاره ځوانان به وروسته له دي د کابل ښاروالۍ ترڅنګ ولاړ وي، ترڅو له یوي خوا د ښار په پاکولو کې خپله ونډه واخلي او له بلي خوا د تنظیف ریاست زیارکښو کارکونکو سره مرسته وکړي، تر څو له دي لارې وکولاي شو یو پاک او ښکلي ښار ولرو.
دا په داسي حال کې ده چې د کابل ښاروالۍ تنظیف ریاست تل له درنو ښاریانو او مدني بنسټونو د ښار په پاکولو کې د مرستي غوښتنه کړي او د دوي له ونډي اخیستلو څخه هم منندوي دي.
د يادونې وړ ده چې د غفور ټولنیز بنسټ تیرکال هم د کابل ښاروالۍ ادارې سره د تنظیفي حشرونو په برخه کې مرسته ترسره کړي.
د غفور ټولنیز بنسټ رضا کاره ځوانانو په تنظیفي حشر کې ګډون وکړ